Hartenbos Januarie 17 tot Maart 16 2018

Hie sit ons alweer vir twee maande op Hartenbos. Die eerste week was die weer maar wispilturig met baie wind en reën maar dit het nou verbeter, meer sonskyn en minder wind.
Hier is solank 'n paar fotos, ek sal later nog bysit soos die tyd aangaan.

Die 31ste Januarie was daar 'n supermaan (Volmaan wanneer die maan op sy naaste punt aan die aarde is in sy wentelbaan) sowel as bloumaan (tweede volmaan in dieselfde maand), glo die eerste keer in 150 jaar wat ons dit in RSA kon sien. Die aand was die heeltemal bewolk maar ek kon gelukkig op die volgende aand van 1 Februarie 2018 'n paar mooi fotos kry.

06/03/2018: Toe het ons verder gekuier, ons het met die Diaz Express treintjie gery vanaf Mosselbaai tot Glentana en terug nadat ons by die Opispoor Restaurant aangedoen het.
Ons het ook die Redberry Farm en Robertson Brouery te George besoek.
Verder swem ons ook lekker hier op Hartenbos en het ook in die getypoel op Heraldsbaai gaan kuier.
Die Oosthuisens is besig om op te pak en vertrek eerskomende Donderdag op pad terug waarna ons nog so 'n week hier oor het voor ons vertrek.